Muammar Gaddafi
From Wikipedia, the free encyclopedia
Muammar Muhammad Abu Minyar al-Gaddafi (arabíska: مُعَمَّر القَذَّافِي Muʿammar al-Qaḏḏāfī, 7. júní 1942 – 20. október 2011), þekktur sem Muammar Gaddafi (stundum skrifað Gaddafí á íslensku) var einræðisherra Líbíu frá 1969 til 2011. Hann var þjóðhöfðingi Líbíu frá 1969 til ársins 1977. Eftir það sagðist hann vera tákngervingur landsins og bar titilinn „hinn bróðurlegi leiðtogi og vegvísir byltingarinnar og Jamahiriya“.[1] Hann var fangaður í orrustunni við Sirte og var þá drepinn.
Muammar Gaddafi معمر محمد أبو منيار القذافي | |
---|---|
Þjóðhöfðingi Líbíu | |
Í embætti 1. september 1969 – 20. október 2011 | |
Forsætisráðherra | Listi
|
Forveri | Idris (sem konungur) |
Eftirmaður | Mustafa Abdul Jalil (sem formaður þjóðarráðs) |
Persónulegar upplýsingar | |
Fæddur | 7. júní 1942 Qasr Abu Hadi, Líbíu |
Látinn | 20. október 2011 (69 ára) Sirte, Líbíu |
Þjóðerni | Líbískur |
Stjórnmálaflokkur | Arabíska sósíalistabandalagið (1969–70) Óflokksbundinn (1970–2011) |
Maki | Fatiha al-Nuri (1969–70) Safia el-Brasai (1970–2011) |
Börn | 10 |
Starf | Hermaður, stjórnmálamaður |
Undirskrift |
Gaddafi var mjög umdeildur leiðtogi sem drottnaði yfir líbískum stjórnmálum í fjóra áratugi og hvatti á þeim tíma til mikillar leiðtogadýrkunar á sjálfum sér. Fylgjendur hans litu á hann sem fánabera andstöðu gegn vestrænni heimsvaldshyggju og fyrir arabískri og síðar afrískri samstöðu. Íslamskir bókstafstrúarmenn voru ákaflega mótfallnir samfélags- og efnahagsbreytingum hans. Gaddafi var jafnframt sakaður um kynferðisofbeldi eftir dauða sinn. Víðast hvar var hann fordæmdur sem einræðisherra sem bar ábyrgð á grófum mannréttindabrotum og studdi við hryðjuverkahópa um allan heim.[2][3]