Cornus
From Wikipedia, the free encyclopedia
Cornus est genus plantarum florentium lignearum familiae Cornacearum, cui generi sunt a triginta ad sexaginta species,[2][3] quae plerumque floribus, baccis (antiquitate cornis [nom.sing. cornum] appellatis), cortice distinguuntur.[4] Plurimae sunt arbores vel frutices deciduae, sed nonnullae sunt paene herbaceae subfrutices perennes, nonnullaeque ex speciebus ligneis sunt sempervirentes. Nonnullis speciebus sunt parva capita florum inconspicuorum ab involucro magnarum bractearum plerumque albarum circumdatorum, sed aliis sunt aperiores florum petaliferentium fasciculi. Variae species sunt nativae per multum temperatae et borealis Eurasiae et Americae Septentrionalis, ubi Sinis, Iaponiae, et Civitatibus Foederatis meridianae et orienti sunt permultae species endemicae.
Inter species notissimis sunt Cornus sanguinea Eurasiae; Cornus florida, latissme in orientali America Septentrionali cultus; Cornus nuttallii, cornus Pacificus vulgo appellatus, in occidentali America Septentrionali; Cornus kousa Asiae orientalis; et duae species nanae: Cornus canadensis et Cornus suecica, corni Canadienses et Eurasiani proprie perscriptae.
Corni in genera vel subgenera ab uno ad novem varie digeruntur; genus late agnotum infra perscribitur.