Crosby Gaige
moderator scaenicus, impressor, ganeo / From Wikipedia, the free encyclopedia
Crosby Gaige, nomine pleno Roscoe Conkling Crosby Gaige (die 26 Iulii 1882 Skunk Hollow in oppido natus civitatis Novi Eboraci; mortuus die 8 Martii 1949), alumnus universitatis Columbiae, fuit moderator scaenicus, impressor, ganeo.
Obitus: 8 Martii 1949; Peekskill
Patria: Civitates Foederatae Americae
Familia
Breve temporis spatium diurnarius apud New York Times meruit; deinde cum agente scaenica Elisabetha Marbury moderatoribusque Arch Selwyn et Edgaro Selwyn(en) laboravit et cum eis fabulam Within the Law(en) produxit (1912, auctore Bayard Veiller). Ipse postea comoedias The Butter and Egg Man(en) (1925), Little Accident(en) (1928), Accent on Youth(en) (1934) docuit. Domum editorialem Novi Eboraci in urbe ab anno 1927 usque in 1929 direxit: opera Iacobi Joyce, Liam O'Flaherty (The Fairy Goose, 1927), Virginiae Woolf (Orlando, 1928), Iosephi Conrad (The Sisters), Gulielmi Butler Yeats (The Winding Stair, 1929) inter alia divulgari curabat. Prelum privatum, nomine Watch Hill Press, apud se in villa rustica Watch Hill Farm urbis Peekskill annis insequentibus cum socio Iacobo Henderson egit, designatoribus Friderico Warde, Bruce Rogers(en), aliis.
Tres annos de re cibaria apud libellos Country Life commentationes menstruas scribebat.[1] Auctor fuit operis de potionibus mixtis titulo Cocktail Guide and Ladies' Companion, anno 1941 divulgati, quotannis reimpressi; etiam commentariorum de vita sua titulo Footlights and highlights (1948); insuper libri cuiusdam cui auctores optimatesque plurimi tabulas cenatorias et praecepta coquinaria inscripserant, titulo Dining with my friends (1949). Huic libro participaverunt, commentatiunculis de prandiis cenisque contributis, Merle Armitage, Iacobus Beard, Ludovicus Bromfield, Carolus Browne(en), Arthurus Eisenhower(d), Erna Fergusson(en), Georgius Gustavus Heye(en), Raimundus Loewy(en), Salvator Paulus Lucia(d),[2] Gabriel Lugot,[3] Helena McCully(en), Lawton Mackall(en), Georgius Mardikian(en), Samuel Eliot Morison, Carolus Morton(en), Ioanna Nickerson(en),Fulton Oursler(en), Haydn S. Pearson, Marius Pei(en), Iunia Platt,[4] Simona Prunier(en), Irene Purcell(en),[5] Anna Seranne,[6] Andreas Simon(en), Philippus Wagner,[7] Cady Wells, Grover Whalen, Morrison Wood,[8] Helena Zelayeta(en).
Archivum eius apud societatem Grolier servatur.