Ratisbona
From Wikipedia, the free encyclopedia
Ratisbona[1][2] seu Castra Regina[3] sive Augusta Tiberii[4] est urbs circulo carens in oriente Bavariae sita. Caput et sedes administrationis provinciae Palatinatus Superioris est. Hodie hic centum et quinquaginta milia incolarum habitant, et ita Ratisbona post Monachium, Nurembergiam, Augustam Vindelicorum in quarto loco inter magnas rei publicae liberae Bavariae urbes stat.
Locus: 49°1′0″N 12°5′0″E
Numerus incolarum: 157 443
Zona horaria: UTC+1, UTC+2
Situs interretialis
Nomen officiale: Regensburg
Gestio
Geographia
Regiones urbanae: Stadtamhof, Steinweg-Pfaffenstein, Sallern-Gallingkofen, Konradsiedlung-Wutzlhofen, Brandlberg-Keilberg, Reinhausen, Q2554913, Schwabelweis, Ostenviertel, Kasernenviertel, Galgenberg, Kumpfmühl-Ziegetsdorf-Neuprüll, Großprüfening-Dechbetten-Königswiesen, Westenviertel, Ober-/Niederwinzer-Kager, Oberisling-Leoprechting-Graß, Burgweinting-Harting
Territoria finitima: Regensburg, Q854173
Coniunctiones urbium
Tabula aut despectus
Urbs est sedes episcopi et dioecesis Catholicae Ratisbonae et unum e viginti tribus centris superioribus (Theodisce "Oberzentren") rei publicae. Urbes maiores propinquae sunt Nurembergia, ad circa centum chiliometra in boreoccidente sita, et Monachium, circa 120 chiliometra in meridie situm.
Numerus incolarum Castrorum Reginorum post secundum bellum mundanum super centena milia crevit. Qua re "urbs magna" appellari coepit.
Castra Regina ad Danuvium sita sunt in finibus regionum trium, quae Silva Gabreta (in boreoriente), Iura (in occidente) et terra ante Alpes (in meridie et oriente) nominantur. Pars huius terrae in oriente adiacens Theodisce Gäuboden appellatur, et pars Bavariae Inferioris est.
In finibus urbis flumen Reginus (Germanice "Regen") nominatum a sinistra in Danuvium influit. Iam antea in confinio occidentali urbis aliud flumen (Naba) pariter a sinistra se in Danuvium immergit.