Ерик Клептон
From Wikipedia, the free encyclopedia
Ерик Патрик Клептон (англиски: Eric Patrick Clapton, роден на 30 март 1945 година) — англиски блуз-рок гитарист, пејач и текстописец. Клептон е единствената личност која била трипати примена во куќата на славните на рокенролот; како соло изведувач, а исто така и како член на рок групите „The Yardbirds“ и „Cream“. Во текот на неговата кариера тој бил почитуван од некои од најважните и највлијателните гитаристи на сите времиња.[2] Во магазинот „Rolling Stone“, Клептон е рангиран на второто место во списокот на „100 најдобри гитаристи на сите времиња“[3] и на 53. на нивниот список на „Бесмртните, 100 најдобри гитаристи на сите времиња“.[4] Во 2010 година, Ерик Клептон беше рангиран на четвртото место во Гибсоновата (Gibson Guitar Corporation) список на 50 најдобри гитаристи на сите времиња.[5]
Ерик Клептон | |
---|---|
Животописни податоци | |
Родено име | Ерик Патрик Клептон |
Познат(а) и како | „Бавна рака“ (анг.„Slowhand“) |
Роден(а) | 30 март 1945(1945-03-30) (79 г.) Рипли, Англија |
Жанрови | Рок, блуз-рок, блуз, психоделичен рок, хард-рок |
Занимања | Музичар, текстописец, продуцент, уметник |
Инструменти | Вокали, гитара |
Период на активност | 1962— |
Издавачи | „Warner Bros.“, „Reprise“, „Polydor“, „RSO“, „Atco“, „Apple“, „Deram“[1] |
Соработници | „The Yardbirds“, „John Mayall & the Bluesbreakers“, „Powerhouse“, „Cream“, „Free Creek“, „The Dirty Mac“, „Blind Faith“, Џ. В. Кејл, „The Plastic Ono Band“, „Delaney, Bonnie & Friends“, „Derek and the Dominos“, „The Beatles“, Фил Колинс, „The Rolling Stones“, Лучано Павароти, „The Band“, Фреди Кинг, Би Би Кинг, Марк Нопфлер |
Мреж. место | Официјално мрежно место |
Значајни инструменти | |
Видете: Пасусот за гитари „Блеки“: Фендер стратокастер „Брауни“: Фендер стратокастер „Gibson SG“ „Gibson ES-335“ „Gibson Les Paul“ |
Низ кариерата неговиот музички стил варираше, но секогаш остана заснован на блузот. Од оваа гледна точка тој се смета за иноватор на неколку музички жанрови меѓу кои спаѓаат: блуз-рок (заедно со „John Mayall & the Bluesbreakers“ и „The Yardbirds“) и психоделичен рок (заедно со „Cream“). Сепак Клептоновите успеси на листите не беа лимитирани со блузот, тој ги зазема првите места со песната „Tears in heaven“ - (чија музика припаѓа на жанрот „Современа музика за возрасни“ (или на анг.Adult contemporary music)) и со реге песната на Боб Марли — „I Shot the Sheriff“ — (на сцените често изведува реге и песни на Боб Марли).[6] Две од неговите најуспешни песни се љубовната хит песна „Layla“, која ја свиреше заедно со бендот „Derek and the Dominos“ и песната „Crossroads“ на Роберт Џонсон.