Рүүд ван Нистелрой
From Wikipedia, the free encyclopedia
Рютгерус Йоханнес Мартиниус ван Нистелрой (нид. Rutgerus Johannes Martinius van Nistelrooij, 1976 оны долоодугаар сарын 1-нд төрсөн) буюу Рүүд ван Нистелрой (нид. Ruud van Nistelrooij) нь Голландын хөлбөмбөгчин бөгөөд Германы хөлбөмбөгийн тэргүүн лигийн Хамбург багт довтлогчийн байрлалд тоглодог. Тэр УЕФА Аваргуудын лигийн бүх цагийн мэргэн буучдын жагсаалтын хоёрдугаарт 60 гоол (гурван удаагийн ээлжит тэмцээнд мэргэн бууч болж байсан) оруулсан амжилтаараа бичигддэг. Мөн дотоодын лигийн тэмцээнүүдэд гурван удаа улирлын мэргэн буучаар шалгарч байсан түүхтэй.
Рүүд ван Нистелрой | ||
Хувийн мэдээлэл | ||
---|---|---|
Бүтэн нэр | Рютгерус Йоханнес Мартиниус ван Нистелрой | |
Төрсөн огноо | 1976 оны 7 сарын 1 | |
Төрсөн газар | Осс, Голланд | |
Биеийн өндөр | 1.88 м[1] | |
Тоглодог байрлал | Довтлогч | |
Клубын мэдээлэл | ||
Одоогийн клуб | Хамбург | |
Дугаар | 22 | |
Тоглосон клубууд | ||
Он | Баг | Тоглосон тоо (Гоол) |
1994-1997 1997-1998 1998-2001 2001-2006 2006-2010 2010- |
Ден Босх Херенвен ПСВ Манчестер Юнайтед Реал Мадрид Хамбург |
69(17) 31(13) 67(62) 150(95) 68(46) 13(8) |
Үндэсний шигшээ | ||
1998- | Голланд | 66(34)
‡ Шинэчилсэн нь |
Ван Нистелрой Голландын хөлбөмбөгийн лигийн хоёрдугаар дивизийн «Ден Босх» багаас хөлбөмбөгийн замналаа эхлүүлсэн бөгөөд цаашлаад тэргүүн дивизийн «Херенвен», ПСВ багууд тоглож тэргүүн лигт хоёр удаа түрүүлээд авчээ. «Гоолын машин» хочит Ван Нистелрой Манчестер Юнайтед багтай 2000 оны зун 19 фунт стерлингийн гэрээ байгуулан Английн хөлбөмбөгийн ногоон талбайд гоолын арвин тоглолтуудаа үзүүлж эхэлсэн юм. Премьер лиг, «АХХ-ны цом», «Лигийн цом» болон «АХХ-ны Коммунити Шиелд» зэрэг гол гол тэмцээнүүдэд түрүүлэхийн сацуу «сэр Мэтт Басбигийн нэрэмжит Оны шилдэг тоглогчийн» шагналыг хоёронтоо хүртжээ. Ван Нистелрой Юнайтедийн нэрийн 219 тоглолтонд оролцож 150 гоол оруулсан гайхам амжилтыг үзүүлэн Европын бүх цагийн шилдэг мэргэн буучдын нэг болохоо харуулсан юм. Тэрээр Юнайтедаас Испанийн эзэн хааны Реал Мадрид багт шилжин 2006 оноос алба хаших болсон ба бэртэлд үе үе өртөж үл тооцвол сайн тоглолтыг үзүүлсээр багийнхныхаа хамт Ла лигт хоёр, «Испаний Супер цомд» нэг удаа тус тус түрүүлсэн Ван Нистелрой 2010 оны нэгдүгээр сарын арилжаа наймааны цонхоор Германы Хамбург багт шилжиж ирсэн байгаа.
1998 оноос одоог хүртэл Голландын шигшээ багт тоглож байгаа бөгөөд 64 тоглолтонд оролцож, 34 гоолыг оруулсан амжилтаараа шигшээ багийн түүхэн мэргэн буучдын гуравдугаарт эрэмбэлэгддэг. Рүүд ван Нистелрой 2007, 2008 онуудад хоёр удаа шигшээ багаасаа зодог тайлахаа мэдэгдэж тоглолтуудад оролцоогүй ба 2010 оны есдүгээр сард шигшээ багтаа Евро 2012 тэмцээнийг тоглохоо мэдэгдэж, дасгалжуулагч Берт ван Марвикийн шийдвэрээр бэртлийн улмаас тоглох боломжгүй болсон Робин ван Персигийн оронд[2] «Евро 2012» тэмцээний сонгон шалгаруулалтын Сан Марино болон Финландын шигшээ багуудтай хийсэн тоглолтуудад тогложээ. [2]