இயற்பியலுக்கான நோபல் பரிசு பெற்றவர்கள்
விக்கிப்பீடியா:பட்டியலிடல் / From Wikipedia, the free encyclopedia
இயற்பியலுக்கான நோபல் பரிசு (சுவீடிய: Nobelpriset i fysik) ராயல் சுவீடிஷ் அறிவியலுக்கான அகாதமியால் வழங்கப்டடும், சிறந்த இயற்பியலாளருக்கான விருதாகும். ஆல்ப்ரெட் நோபல் பெயரால் வழங்கப்படும் ஐந்து நோபல் பரிசுகளில் இதுவும் ஒன்றாகும்.[1] ஆல்ப்ரெட் நோபலின் விருப்பப்படி, நோபல் தொண்டு நிறுவனத்தால் ஐந்து நபர்களைக் கொண்ட குழுவால் தேர்ந்தெடுக்கப்படும் இயற்பியலாளருக்கு இப்பரிசு வழங்கப்படுகிறது.[2] 1901-ம் ஆண்டு முதல் இயற்பியலுக்கான நோபல் பரிசு வழங்கப்படுகிறது. செருமனியைச் சார்ந்த வில்லெம் ரோண்ட்கனுக்கு இயற்பியலுக்கான முதல் நோபல் பரிசு வழங்கப்பட்டது. இப்பரிசில் ஒரு பதக்கமும், சான்றிதழ் மற்றும் சன்மானமும் வழங்கப்படுகிறது.[3] 1901-ம் ஆண்டு, ரோண்டகனுக்கு 150,782 SEK வழங்கப்பட்டது, இதன் மதிப்பு திசம்பர் 2007 அன்று சுமார் 7,731,004 SEK ஆகும். 2011-ம் ஆண்டு,இப்பரிசு சோல் பெர்ல்மட்டர், பிறையன் சிமித் மற்றும் அடம் ரீஸ் ஆகிய மூவருக்கும் பகிர்ந்தளிக்கப்பட்டது.[4][5] இந்தப் பரிசு நோபல் இறந்தநாள் நினைவு தினத்தன்று நடைபெற்ற விழாவில் வழங்கப்பட்டது.[6]
இக்கட்டுரை தமிழாக்கம் செய்யப்பட வேண்டியுள்ளது. இதைத் தொகுத்துத் தமிழாக்கம் செய்வதன் மூலம் நீங்கள் இதன் வளர்ச்சியில் பங்களிக்கலாம். |
சான் பர்தீன், என்பவர் இருமுறை 1956 மற்றும் 1972-ம் ஆண்டிற்கான இயற்பியலுக்கான நோபல் பரிசு பெற்றுள்ளார். மேரி க்யூரி இயற்பியலுக்கான 1903-ம் ஆண்டின் நோபல் பரிசையும், வேதியலுக்கான 1911-ம் ஆண்டின் நோபல் பரிசையும் பெற்றுள்ளார். வில்லியம் லாரன்ஸ் பிராக் தன்னுடைய 25-ம் அகவையில் 1915-ம் ஆண்டு இயற்பியலுக்கான நோபல் பரிசு பெற்றார், குறைந்த வயதில் நோபல் பரிசு பெற்ற சிறப்பும் இவருக்கே.[7] இது வரையிலும் மேரி க்யூரி மற்றும் மரியா கோயெப்பெர்ட் மேயர்(1963) ஆகிய இரு பெண்கள் மட்டுமே இயற்பியலுக்கான நோபல் பரிசு பெற்றுள்ளனர், மற்ற துறையில் நோபல் பரிசு பெற்ற பெண்களை விட இது குறைவான அளவாகும்.[8] 2011-ம் ஆண்டு வரையிலும், 191 நபர்களுக்கு இயற்பியலுக்கான நோபல் பரிசு வழங்கப்பட்டுள்ளது. 1916, 1931, 1934, 1940–1942 ஆகிய ஆறு ஆணடுகளில் நோபல் பரிசு யாருக்கும் வழங்கப்படவில்லை என்பது குறிப்பிடட்த்தக்கது.