த லார்டு ஆப் த ரிங்ஸ் (திரைப்படத் தொடர்)
திரைப்படத் தொடர் / From Wikipedia, the free encyclopedia
த லார்டு ஆஃப் த ரிங்ஸ் (ஆங்கில மொழி: The Lord of the Rings) என்பது அமெரிக்கா நாட்டை சேர்ந்த ஜே. ஆர். ஆர். டோல்கீன் என்பவர் எழுதிய நாவலை அடிப்படையாகக் கொண்டு பீட்டர் ஜாக்சன் இயக்கிய மூன்று காவிய கற்பனை சாகச படங்களின் திரைப்படத் தொடர் ஆகும். திரைப்படங்கள் த லார்டு ஆப் த ரிங்ஸ்: த பெலொசிப் ஆப் த ரிங் (2001), த லார்டு ஆப் த ரிங்ஸ்: த டூ டவர்ஸ் (2002) மற்றும் த லார்டு ஆப் த ரிங்ஸ்: த ரிடர்ன் ஆப் த கிங் (2003) என்ற தலைப்பில் மூன்று பாகங்களாக வெளி வந்தன. இதற்கான படப்பிடிப்புகள் சுமார் 18 மாத காலங்கள் நியூசிலாந்தில் நடைபெற்றது. இத் திரைப்படம் டால்கெயினின் புத்தகத்தை மையமாக வைத்து எடுக்கப்பட்டதுடன் அதை அப்படியே பிரதிபலிப்பதாகவும் கருதப்படுகின்றது.
த லார்டு ஆப் த ரிங்ஸ் | |
---|---|
இயக்கம் | பீட்டர் ஜாக்சன் |
தயாரிப்பு |
|
மூலக்கதை | த லோட் ஒவ் த ரிங்ஸ் படைத்தவர் ஜே. ஆர். ஆர். டோல்கீன் |
திரைக்கதை |
|
இசை | ஹோவர்ட் ஷோர் |
நடிப்பு |
|
ஒளிப்பதிவு | ஆண்ட்ரூ லெஸ்னி |
படத்தொகுப்பு |
|
விநியோகம் | நியூ லைன் சினிமா |
வெளியீடு |
|
ஓட்டம் | மொத்தம் (3 படங்கள்):
|
நாடு | |
மொழி | ஆங்கிலம் |
ஆக்கச்செலவு | மொத்தம் (3 படங்கள்): $281 மில்லியன் |
மொத்த வருவாய் | மொத்தம் (3 படங்கள்): $2.919 பில்லியன் |
விங்நட் பிலிம்ஸின் இணை தயாரிப்புடன் நியூ லைன் சினிமா தயாரித்து விநியோகித்தது. இது நியூசிலாந்திற்கும் அமெரிக்காவிற்கும் இடையிலான ஒரு சர்வதேச முயற்சியாக வெளிவந்தது. இந்த திரைப்படத்தில் எலியா வுட், இயன் மெக்கெல்லன், லிவ் டைலர், விக்கோ மோர்டென்சென், சீன் ஆஸ்டின், கேட் பிளான்சேட், ஜோன் ரைஸ்-டேவிஸ், கிறிஸ்டோபர் லீ, பில்லி பாய்ட், டோமினிக் மோனகன், ஆர்லாந்தோ புளூம், ஹ்யூகோ வீவிங், மிராண்டா ஓட்டோ, ஆண்டி செர்கிஸ் மற்றும் சான் பீன் போன்ற பலர் நடித்துள்ளார்கள்.
இந்த மூன்று படங்களும் ஒரே நேரத்தில் மற்றும் முழுமையாக பீட்டர் ஜாக்சனின் சொந்தநாடான நியூசிலாந்தில் 1999 அக்டோபர் 11 முதல் 2000 டிசம்பர் 22 வரை படமாக்கப்பட்டன, 2001 முதல் 2004 வரை ஒரு சில காட்சிகள் படமாக்கப்பட்டன. இது இதுவரை மேற்கொள்ளப்பட்ட மிகப்பெரிய மற்றும் மிகவும் லட்சிய திரைப்பட திட்டங்களில் ஒன்றாகும்.
லார்ட் ஆஃப் தி ரிங்க்ஸ் இதுவரை தயாரிக்கப்பட்ட மிகப் பெரிய மற்றும் செல்வாக்குமிக்க திரைப்படத் தொடர்களில் ஒன்றாக கருதப்படுகிறது. இது வசூல் ரீதியாக மிகப்பெரிய வெற்றியை பெற்றது. மற்றும் உலகளாவிய வசூலில் 2.9 பில்லியனுக்கும் அதிகமான வருமானம் ஈட்டிய எல்லா நேரத்திலும் அதிக வசூல் செய்த உலக திரைப்படத் தொடர்களில் ஒன்றாகும். ஒவ்வொரு படமும் விமர்சன ரீதியாக பாராட்டப்பட்டது மற்றும் பெரிதும் வரவேற்பு வழங்கப்பட்டது, அவர்களின் 30 அகாடமி விருதின் பரிந்துரைகளில் 17 ஐ வென்றது.