ஐக்கிய அரபு அமீரகம்
From Wikipedia, the free encyclopedia
ஐக்கிய அரபு அமீரகம் (United Arab Emirates, ஐக்கிய அரபு எமிரேட்ஸ், UAE அரபு மொழி: دولة الإمارات العربية المتحدة தவ்லாத் அல்-இமாராத் அல்-அராபியா அல்-முத்தாகிதா), சுருக்கமாக அமீரகம் அல்லது எமிரேட்சு[note 1] என்பது பாரசீக வளைகுடாவில் அராபியத் தீபகற்பத்தின் தென்கிழக்கு முனையில் அமைந்துள்ள ஒரு நாடு ஆகும். இதன் எல்லைகளாக கிழக்கே ஓமான், தெற்கே சவூதி அரேபியா ஆகிய நாடுகளும், உள்ளன. கத்தார், ஈரான் ஆகியவை கடல் எல்லைகளைக் கொண்டுள்ளன. 2013 ஆம் ஆன்டில் இதன் மக்கள்தொகை 9.2 மில்லியன்கள் ஆகும். இவர்களில் 1.4 மில். பேர் அமீரகத்தினரும், 7.8 மில்லியன் பேர் வெளிநாட்டினரும் ஆவார்.[5][6]
ஐக்கிய அரபு அமீரகம் United Arab Emirates الإمارات العربية المتحدة al-Imārāt al-‘Arabīyah al-Muttaḥhidah | |
---|---|
நாட்டுப்பண்: "இஷி பிலடி" "எனது நாடு நீடூழி வாழ்க" | |
தலைநகரம் | அபுதாபி (நகரம்) |
பெரிய நகர் | துபாய் |
ஆட்சி மொழி(கள்) | அரபு |
இனக் குழுகள் (2009[1]) |
|
சமயம் | இசுலாம் |
மக்கள் | அமீரகத்தினர் [1] அமீரக மக்கள் எமிரி |
அரசாங்கம் | 7 மரபுவழி முடியாட்சிகளின் கூட்டிணைவு |
• சனாதிபதி | முகமது பின் சயீது அல் நகியான் |
• பிரதமர் | முகமது பின் ராஷித் அல் மக்தூம் |
சட்டமன்றம் | நடுவண் தேசியப் பேரவை |
விடுதலை | |
• பிரித்தானியாவிடம் இருந்து | 2 டிசம்பர் 1971 |
பரப்பு | |
• மொத்தம் | [convert: invalid number] (116வது) |
• நீர் (%) | negligible |
மக்கள் தொகை | |
• 2013 மதிப்பிடு | 9,346,129[2] (93வது) |
• 2005 கணக்கெடுப்பு | 4,106,427 |
• அடர்த்தி | 99/km2 (256.4/sq mi) (110வது) |
மொ.உ.உ. (கொ.ஆ.ச.) | 2015 மதிப்பீடு |
• மொத்தம் | $643.846 பில்.[3] (32வது) |
• தலைவிகிதம் | $65,037[3] (7வது) |
மொ.உ.உ. (பெயரளவு) | 2015 மதிப்பீடு |
• மொத்தம் | $440.181 billion[3] (28வது) |
• தலைவிகிதம் | $44,770[3] (19வது) |
ஜினி (2008) | 36 மத்திமம் |
மமேசு (2013) | 0.827[4] அதியுயர் · 40வது |
நாணயம் | ஐ.அ.அ. திராம் (AED) |
நேர வலயம் | ஒ.அ.நே+4 (வ.சீ.நே) |
ஒ.அ.நே+4 (not observed) | |
திகதி அமைப்பு | நாநா/மாமா/ஆஆஆஆ |
வாகனம் செலுத்தல் | வலது |
அழைப்புக்குறி | +971 |
இணையக் குறி |
|
|
1971 டிசம்பரில் ஐக்கிய இராச்சியத்திடம் இருந்து விடுதலை பெற்று நிறுவப்பட்ட இந்நாடு அபுதாபி (தலைநகரமாக செயல்படுகிறது), அஜ்மான், துபாய், புஜைரா, ரஃஸ் அல்-கைமா, சார்ஜா, உம் அல்-குவைன் ஆகிய ஏழு அமீரகங்களைக் கொண்ட ஒரு கூட்டரசாகும். தனி முடியாட்சிகளைக் கொண்ட ஒவ்வொரு அமீரகமும் நடுவண் உச்சப் பேரவி ஒன்றின் மூலம் கூட்டாக நிருவகிக்கப்படுகிறது. ஏழு முடியாட்சிகளில் ஒருவர் அமீரகத்தின் சனாதிபதியாக இருப்பார். அமீரகத்தின் அதிகாரபூர்வ சமயம் இசுலாம் ஆகும், அதிகாரபூர்வ மொழி அரபி (அரபு) ஆகும். ஆனாலும், ஆங்கிலம் பரவலாகப் பயன்படுத்தப்படுகிறது.
அமீரகத்தின் எண்ணெய் வளம் உலகின் நான்காவது-பெரியதாகும்.[7] அதேவேளையில், இதன் இயற்கை வாயு வளம் உலகின் 17-வது பெரியதாகும்.[8] அமீரகத்தின் ஆரசுத்தலைவரும் அபுதாபியின் ஆட்சியாளருமான காலஞ்சென்ற சேக் சயத் பின் சுல்தான் அல் நகியான் அமீரகத்தின் வளர்ச்சியைக் கருத்தில் கொண்டு எண்ணெய் வருவாயை சுகாதாரம், கல்வி, உட்கட்டமைப்பு ஆகியவற்றுக்கு செலவிட்டார்.[9] அமீரகத்தின் பொருளாதாரம் வளைகுடா நாடுகளிலேயே அதிகம் பல்வகைப்படுத்தப்பட்டதாக உள்ளது. அதிக மக்கள்தொகையைக் கொண்ட துபாய் நகரம் பன்னாட்டு வணிக, மற்றும் போக்குவரத்துக்கு உகந்த இடமாக மாறியுள்ளது.[10][11] ஆனாலும், நாட்டின் பொருளாதாரம் அதன் எண்ணெய், இயற்கை வாயு வளத்திலேயே பெரிதும் தங்கியுள்ளது.[1][12][13]