சீனா
கிழக்காசிய நாடு / From Wikipedia, the free encyclopedia
சீனா (China) என்று பொதுவாக அழைக்கப்படும் சீன மக்கள் குடியரசு கிழக்காசியாவிலுள்ள நாடாகும். ஆசியாவிலேயே பரப்பளவில் மிகப்பெரிய நாடான சீனா உலகில் ரஷ்யா, கனடா ஆகிய நாடுகளுக்கு அடுத்தபடியாகப் பரப்பளவின்படி மூன்றாவது பெரிய நாடாகும். 130,63,13,812 மக்கள் வாழும் சீனா, உலகில் மக்கள் தொகை கூடிய நாடுகளில் முதலிடம் வகிக்கிறது. சீனப் பெருஞ்சுவர் இந்நாட்டின் இயலுமையையும் தொன்மையையும் கூறி நிற்கிறது. சீனாவின் தலைநகர் பீஜிங் ஆகும். அந்நாட்டின் வர்த்தகத் தலைநகராகச் சாங்காய் உள்ளது.
சீன மக்கள் குடியரசு People's Republic of China
| |
---|---|
நாட்டுப்பண்:
| |
தலைநகரம் | பெய்ஜிங்[lower-alpha 1] |
பெரிய நகர் | சாங்காய்[1] |
ஆட்சி மொழி(கள்) | Standard Chinese[2][lower-alpha 2] |
பிராந்திய மொழிகள் |
|
அதிகாரப்பூர்வ எழுத்து மொழி | Vernacular Chinese |
Official script | Simplified Chinese[2] |
இனக் குழுகள் | |
மக்கள் | Chinese |
அரசாங்கம் | Socialist single-party state[4] |
• அதிபர் | சீ சின்பிங்[lower-alpha 4] |
• பிரதமர் | லீ கெச்சியாங் |
• Congress Chairman | Zhang Dejiang |
• Conference Chairman | Yu Zhengsheng |
• செயலகத்தின் முதல் தர செயலர் | Liu Yunshan |
• Secretary of the Central Commission for Discipline Inspection | Wang Qishan |
• முதல் துணைப் பிரதமர் | Zhang Gaoli |
சட்டமன்றம் | தேசிய மக்கள் பேராயம் |
உருவாக்கம் | |
• ஏகாதிபத்தியத்திற்கு முந்தைய காலகட்டத்தில் நிறுவப்பட்ட சியா அரசமரபு | c. 2070 BCE |
221 BCE | |
1 சனவரி 1912 | |
1 ஒக்டோபர் 1949 | |
பரப்பு | |
• மொத்தம் | 9,596,961 km2 (3,705,407 sq mi)[lower-alpha 5] (3rd/4th) |
• நீர் (%) | 2.8%[lower-alpha 6] |
மக்கள் தொகை | |
• 2015 மதிப்பிடு | 1,376,049,000[9] (1st) |
• 2010 கணக்கெடுப்பு | 1,339,724,852 (1st) |
• அடர்த்தி | [convert: invalid number] (83rd) |
மொ.உ.உ. (கொ.ஆ.ச.) | 2015 மதிப்பீடு |
• மொத்தம் | $18.976 trillion[10] (1st) |
• தலைவிகிதம் | $13,801[10] (87th) |
மொ.உ.உ. (பெயரளவு) | 2015 மதிப்பீடு |
• மொத்தம் | $11.212 trillion[10] (2nd) |
• தலைவிகிதம் | $8,154[10] (75th) |
ஜினி (2014) | 46.9[11] உயர் |
மமேசு (2014) | 0.727[12] உயர் · 90th |
நாணயம் | ரென்மின்பி (yuan)(¥)[lower-alpha 7] (CNY) |
நேர வலயம் | ஒ.அ.நே+8 (China Standard Time) |
திகதி அமைப்பு | |
வாகனம் செலுத்தல் | right[lower-alpha 8] |
அழைப்புக்குறி | +86 |
இணையக் குறி |
|
உலகின் மிகப் பழைய நாகரிகங்களில் ஒன்றான பண்டைய சீன நாகரிகம், வட சீனச் சமவெளியூடாகப் பாயும் மஞ்சள் ஆற்றங்கரையில் உருவாகி வளர்ந்தது. இந்நாடு நாலாயிரம் ஆண்டுகளாக, சியா வம்சம் (Xia) தொடக்கம் சிங் வம்சம் (Qing) வரையான அரச வம்சங்களால் ஆளப்பட்டு வந்தது. இது 1911-ஆம் ஆண்டில் சீனக் குடியரசு உருவாக்கப்பட்டதுடன் முடிவடைந்தது. 20-ஆம் நூற்றாண்டின் முதல் அரைப் பகுதியில், ஒற்றுமை இன்மையும், உள்நாட்டுப் போர்களும், சீனாவை இரண்டு முக்கியமான அரசியல் குழுக்களாகப் பிரித்தன. ஒரு குழு, தேசியவாதிகளான குவோமிந்தாங், மற்றது சீனப் பொதுவுடமைக் கட்சி. 1949-ஆம் ஆண்டில் சீனப் பொதுவுடமைக் கட்சி வெற்றிபெற்று சீனத் தலை நிலத்தில் சீன மக்கள் குடியரசு நிறுவப்பட்டதுடன், முக்கியமான பிணக்குகள் முடிவடைந்தன. தேசியவாதிகளின் சீனக் குடியரசின் அரசு தாய்வான் தீவுக்குள் அடங்கிக் கொண்டது. இவ்விரு பிரிவினருக்கும் இடையிலான, பிணக்குகள் இன்றும் தொடர்ந்து வருகின்றன. இவை முக்கியமாக இறைமை, தாய்வானின் அரசியல் அங்கீகாரம் என்பன தொடர்பானவையாகும்.
இன்று மக்கள் சீனக் குடியரசு உலகின் மிகமுக்கியமான நாடும், வளர்ந்துவரும் வல்லரசும் ஆகும். சீனா, ஐக்கிய நாடுகள் பாதுகாப்புச் சபையில் நிலையான உறுப்புரிமையைக் கொண்டுள்ளதுடன், உலக வணிக நிறுவனம், ஆசியா-பசிபிக் பொருளாதார ஒத்துழைப்பு நிறுவனம், கிழக்காசிய உச்சிமாநாடு, சாங்காய் ஒத்துழைப்பு நிறுவனம், ஆகியவற்றிலும் உறுப்பினராக உள்ளது. இது ஒரு அணுவாயுத நாடாக இருப்பதுடன், உலகின் மிகப்பெரிய, நிலையான பாதுகாப்புப் படையையும் கொண்டுள்ளது. பாதுகாப்புக்கான செலவினத்தைப் பொறுத்தவரை சீனா உலகில் நான்காவது இடத்தை வகிக்கின்றது. மொத்த உள்நாட்டு உற்பத்தி அளவின் அடிப்படையில் உலகின் வேகமாக வளரும் பொருளாதாரங்களில் சீனாவும் ஒன்று. பெயரளவு மொத்த உள்நாட்டு உற்பத்தி அளவில் சீனா உலகில் நான்காவது இடத்திலும், வாங்கு திறன் அடிப்படையில் உலகில் இரண்டாவது இடத்திலும் உள்ளது. அத்துடன் ஏற்றுமதி அளவில் உலகின் இரண்டாவது இடத்திலும், இறக்குமதியில் மூன்றாவது இடத்திலும் மக்கள் சீனக் குடியரசு உள்ளது. 1978-ஆம் ஆண்டில் சந்தையை அடிப்படையாகக் கொண்ட பொருளாதாரச் சீர்திருத்தங்கள் ஏற்படுத்தப்பட்ட பின்னர் 53% ஆக இருந்த வறுமை வீதம் (poverty rate) 2001-ஆம் ஆண்டில் 8% ஆகக் குறைந்துள்ளது. எனினும் சீனா வேறு பல பொருளாதாரப் பிரச்சினைகளை எதிர்நோக்கி உள்ளது. மக்கள்தொகையில் வேகமாக அதிகரித்து வரும் வயதானவர்களின் வீதம், நகர்ப்புறங்களுக்கும், நாட்டுப்புறங்களுக்குமிடையில் விரிவடைந்துவரும் வருமான இடைவெளி, சூழல் தரங்குறைதல் என்பன இத்தகைய பிரச்சினைகளுள் சிலவாகும்.